Espónse darréu’l documentu contractual que rexirá la compra de productos pola web www.cartonajesvir.es (el prestador). L’aceptar el presente documentu implica que la persona usuaria:

  1. Tien lleío, entiende y comprende lo qu’equí ta espuesto.
  2. Que ye una persona con capacidá suficiente pa comprar.
  3. Qu’asume toles obligaciones equí dispuestes.

Les condiciones presentes van tener un periodu de validez indefiníu y van ser d’aplicación a toles contrataciones feches pol sitiu web www.cartonajesvir.es. El prestador acuta’l derechu a modificar de manera unillateral, tales condiciones, ensin qu’eso pueda afectar a los productos o promociones que fueren adquiríos primero de la modificación, quitando dalgún error.

 

Identidá de les partes

D’una parte, ta el proveedor de los bienes o servicios contrataos pola persona usuaria, que ye CARTONAJES VIR S.A. con domiciliu en POL. DE MERES, E/N 33199 SIERO (ASTURIES), con CIF A33023581; teléfonu d’atención al veceru 985792780; e-mail: ventasonline@cartonajesvir.com; y de la otra parte, ta la persona usuaria, rexistrada nel sitiu web gracies a un nome d’usuario/a y a una contraseña, que facilita los datos sobre los que tien responsabilidá plena d’usu y custodia, resultando responsable de que los datos personales facilitaos al prestador son los de verdá.

 

Información xeneral

Les condiciones descrites nesta páxina son namás pa pidíos fechos dende la web: www.cartonajesvir.es.

Vendemos pa España peninsular. Si nalgún momentu tien interés nos nuestros productos, y pertenez usté a zones xeográfiques, nes que nun tenemos venta online, nun tenga la mínima dulda de ponese en contactu con nosotros al teléfonu d’atención al cliente 985792780 o vía correu electrónicu a la dirección d’e-mail: ventasonline@cartonajesvir.com y, intentaremos llegar a un acuerdu pa que pueda esfrutar de los nuestros productos, a ser posible.

La moneda usada pal pagu de los productos, namás va ser l’euru. El procedimientu de compra va ser fechu nel idioma castellanu. Pal casu de que pudiere facese n’otru idioma indicaráse primero d’entamar el procedimientu de contratación.

Pa cualquier información del pidíu, la persona usuaria podrá contactar col teléfonu d’atención al cliente 985792780 o vía correu electrónicu a la dirección d’e-mail: ventasonline@cartonajesvir.com.

 

Procesu de compra

El procedimientu pa comprar va facese de forma electrónica dafechu, nel sitiu web.

Cada productu tien asociada una «Ficha técnica» na que se detallen característiques siguientes: altura, anchura, y profundidá del producto depués d’armáu.

Usté namás tien qu’escoyer el productu que quiera adquirir y pulsar el botón «añadir al carru».

Tolos productos incluíos en «carru» van poder eliminase, siempre que lo indique d’esa manera. Si, por contra, decidiere usté siguir cola compra, deberá usté lleer y dar conformidá, espresa, a los Términos y Condiciones y al Avisu Llegal y a la Política de Privacidá del sitiu web. Una que fizo esto, usté va pasar pa la fase de compra.

A pesar d’añadir un producto concretu, usté puede siguir cola compra, quedando tolos productos escoyíos incluíos na cesta o carru, hasta que pulse nel botón de continuación del procedimientu de contratación.

Pal casu de que usté cambie dalgún de los datos introducíos, va variar automático el resume qu’amuesa la pantalla. D’igual manera, tamién hai un espaciu, preparáu a costafecha, pa qu’usté pueda facer observaciones/comentarios concretes respective a lo que comprare.

P’acabar la so compra pulsará en «pasar pola caxa». Y pa facer esti procesu son ésitu va tener que tar rexistráu primero como veceru y/o rellenar un formulariu d’autenticación con una serie de datos pa facer el rexistru (alta de cliente) y depués, el control, facturación y unviu de los pidíos. Son datos obligatorios pa proceder a dase d’alta como usuariu/a: el corréu electrónicu; el nome; los apellíos; la contraseña (de polo menos 5 caracteres). Son, amás, datos obligatorios pa una compra seya efectiva: les señes pal unviu; el teléfonu (polo menos ún); y el númberu d’identificación fiscal.

Nesti pasu ye necesario qu’acepte los términos y les condiciones de compra, l’Avisu Llegal y la Política de Privacidá. El procedimientu pa comprar ta diferenciáu de manera clara en dellos pasos:

Direcciones d’unviu: dende esti punti puén añadise direcciones nueves.

Formes d’entrega: nesti apartáu escuéyese la manera d‘unvialo, ente les que tean disponibles.

Formes pa pagar: nesti puntu va escoyer la manera como quier pagar de les que haiga a disposición. Depués d’escoyíu’l métodu de pagu y confirmáu’l pidíu, va quedar fechu’l procesu de compra enteru.

Depués d’acabada la compra, va enseñase una pantalla col resume de la compra fecha. Amás, tamién va recibir nel so email la confirmación y un detalle del pedíu que nos ficiere. El prestador, conforme a la política de privacidá indicada, va garantizar la confidencialidá de los sos datos.

Esti documentu ye la confirmación de que la compra foi fecha con ésitu y va ser el que-y valga p’acreditar cualquier tipu de reclamación, siempre y cuando s’axunte’l xustificante del pagu que correspuenda. En casu de nun recibir esi corréu electrónicu revise usté la so cuenta de «corréu que nun se quier» o «spam», porque pue detectase, por equivocación, como spam. Si nun lu topare nesa carpeta, rogamos-y que nos lo comunique lo primero posible pa que podamos soluciona-y el problema.

Dende la so cuenta d’usuariu/a, nel apartáu «Historial de pidíos» va poder descargar la factura correspondiente de la compra.

Cartonajes Vir nun se fai responsable de los errores que pudieren dase nos precios enseñaos na web www.cartonajesvir.es. Por eso, durante’l procesu de confirmación del pidíu, procederemos a comprobar los precios. Si’l preciu correctu fuere distintu al que da’l nuestru sitiu web, pondrémosnos en contactu con usté, lo primero posible, y en casu de nun nos poder comunicar unviarémos-y un e-mail a la dirección facilitada pola persona usuaria, ofreciendo-y al cliente afectáu la posibilidá de reconfirmar el pidíu o de dexar la compra.

Cartonajes Vir reserva la posibilidá de nun confirmar un pidíu por dalguna causa concreta, como l’abastecimientu de productos, un problema que tenga que ver col pidíu recibíu (ex.: documentu que nun se puede lleer), un pidíu anormal o un problema previsible referente a la entrega. Cartonajes Vir informará al veceru.

Nun se van poder facer pidíos nuevos hasta que’l veceru pagare les sumes debíes pol conceptu de los pidíos anteriores. Tampoco, la propiedá de la mercancía nun se va poder tresferir del too hasta que la sociedá Cartonajes Vir reciba les sumes debíes pol veceru.

 

Precios, ufiertes y descuentos

Los precios que s’indiquen pa cada productu tarán espresaos na moneda Euru (€).

Los precios que tan indicaos xunto a cada productu incluin l’IVA y podrán visualizase dende l’aniciu de la compra, quedando l’importe de los impuestos desglosaos nel resume final antes de proceder al pagu. Pal casu de que s’ofreza dalguna ufierta, descuentu o promoción, la mesma vendrá reflexada nesta web y podrá optar a ella.

Formes pa pagar

Disponemos de les siguientes maneres de pagar:

  1. a)Mediante Paypal: pa eso tien que tener yá una cuenta asociada, o bien, facer una.

Los datos de la tarxeta van guardase de manera segura, dientro de la so cuenta de PayPal, y va poder usar la so cuenta na nuestra web y notros sitios web comerciales qu’acepten PayPal.

  1. b) TPV virtual.
  2. c)Pa otres opciones: póngase en contactu con nosotros en ventasonline@cartonajesvir.com

 

Entrega de los pídios y costos d’unvio

La entrega de los pidíos fairase na dirección d’entrega designada de manera llibre pola persona usuaria. Nel procesu de dase d’alta podrá indicanos una dirección diferente pa recibir los pidíos.

L’unviu de los productos adquiridos namás se va facer cuando la persona usuaria pagare por completo y el pagu lu recibiere’l prestador. Hasta esi momentu nun se van tener por fecha la compra. Puede pasar que dalgún o dalgunos de los productos conteníos nel pidíu fechu pol cliente nun tuvieren disponibles nel momentu de tramitar el pidíu. Pal casu de que’l productu escoyíu pol veceru nun lu hubiere n’esistencia, informaráse del plazu nuevu d’entrega estimáu en 24 hores dende que conste la esistencia, pudiendo’l cliente optar, si ye lo que quier, pola devolución del importe de la compra. Si nun va ser posible reponer con rapidez el stock d’un productu, fairase’l reembolsu del importe pagáu, de manera directa, pol mesmu mediu de pagu qu’usare’l veceru. Pue llamanos por teléfonu pa contar con una aprosimación más axustao, pa confirmar esistencies y previsiones d’entrega al cliente, al 985792780 o vía correu electrónicu a la dirección d’e-mail: ventasonline@cartonajesvir.com.

Pal casu d’un retrasu inxustificáu por parte de la empresa respective a la devolución de les sumes abonaes, el veceru podrá reclamar que se-y pague’l doble del importe adeudáu, ensin perxuiciu del so derechu a ser indemnizáu polos daños y perxuicios sufridos no que pasen de tal cantidá, de conformidá colo dispuestu nel art. 110 del Real Decretu Llexislativu 1/2007, de 16 de payares, pol que s’aprueba’l testo refundíu de la Llei Xeneral pa la Defensa de los Consumidores y Usuarios y otres lleis complementaries.

El prestador nun asume responsabilidá nenguna cuando la entrega del productu nun llegue a facese como consecuencia de que los datos facilitaos por la persona usuaria seyan falsos, nun seyan los esactos o tean incompletos, o cuando la entrega nun se pueda facer por causes ayenes al prestador, como ye’l casu de l’ausencia del destinatariu o la retención del unviu nes aduanes. En casu nengún, esti retrasu va suponer indemnización dalguna pola parte del prestador hacia’l cliente o usuariu.

Con too y con ello, adoptaremos les midíes que se puedan pidir a un comerciante dilixente pa que la entrega pueda facese nel tiempu acordáu, y de nun ser d’esa manera, lo primero posible, a satisfacción del remitente como del destinatariu, polo que nun se va poder imputar responsabilidá nenguna en contra del prestador. Los gastos d’unviu son a cuenta del veceru y especifíquense nel carru de la compra (y varíen en función del sitiu xeográficu), esceptuando les posibles promociones anunciaes na presente páxina web.

– El pidíu entregaráse en 72 hores (3 díes llaborables dende la recepción del pedíu y del pagu) nel puntu de recoyida escoyíu pol veceru.

Pa recibir información de la entrega de pidíos y costes d’unviu, faiga’l favor de ponese en contactu con nosotros nel teléfonu 985792780 o vía corréu electrónicu a la dirección d’e-mail: ventasonline@cartonajesvir.com

 

Política de devoluciones o derechu de desistimientu 

Casu 1: Devoluciones por desistimientu de compra

Tolos productos adquiríos nesti portal podrán devolvese y reembolsase, siempre que nos indique la intención de devolver el/los productos dientro d’un plazu de 14 díes depués de la so recepción y que se cumplan el restu de les condiciones qu’establecemos darréu.

Requisitos de les devoluciones por desistimientu:

-Pal unviu de vuelta tien qu’intentar usar el mesmu embalaxe col que recibió’l productu, p’aseguranos de que’l/los productu(os) van bien protexíu(os). Pal casu de nun poder cuntar con esi embalaxe, tendrá que devolvelo de manera que’l productu llegue en buenes condiciones a los nuestros almacenes.

-Reembolsaráse mediante la mesma manera de pagu que na compra inicial o xeneraráse un cupón descuentu pol valor del(os) productu(os) devueltu(os). El costu del tresporte y la xestión va correr a cuenta del cliente.

En qué casos nun devolvemos nengún productu:

-Nun se devolverán productos qu’una vez probaos y usados yá nun se puedan volver vender como nuevos, salvo que se deterioraren col porte o llegaren yá asina, y en tal casu debiere tenenos informao nun plazu de 24 hores.

-Nun se devolverán productos fabricaos conforme a les especificaciones del consumidor y usuariu o personalizaos de manera clara.

Depués d’esaminar l’artículu informarémoslu de si tien derechu al reembolsu de les cantidaes abonaes. El reembolsu fairase lo primero posible y, en cualquier casu, dientro del plazu de 14 díes dende la fecha na que usté nos comunicó la so intención de desistir. En tal casu, vamos poder retener el reembolsu hasta tener recibío los bienes, o hasta qu’usté nos presentare una prueba de la devolución de los bienes, según cuala condición se cumpla la primera. El reembolsu fairase siempre nel mesmu mediu de pagu qu’usté usó pa pagar la compra. Nel casu de nun lo haber cargao na so cuenta, llimitarémonos namás a aceptar la devolución.

Pasos a siguir

1- Solicite la devolución d’un pidíu o d’un artículu, de manera directa, contactando col nuestru departamentu d’información al cliente: ventasonline@cartonajesvir.com. Na información acuérdese de poner el so númberu de pidíu y el motivu de la devolución.

2- Prepare la mercancía nuna caxa, embalada curiosa, pa cuando pase a por ella la empresa de tresporte, que la recoyerá poniéndose primero en contactu con usté.

3- Cuando los productos devueltos tean yá nes nuestres instalaciones, entamaráse’l reembolsu del importe al completu, salvo’l coste del tresporte.

Pal casu de cambiu d’artículu, procederáse a la recoyida del mesmu y, una vez recepcionáu y dau conforme, xestionaráse l’unviu del nuevu o’l reembolsu íntegru, ensin coste nengunu adicional (salvo’l costu directu de devolución de los bienes).

De la que recibimos los productos, procederemos a esaminalos y comunicarémos-y si tien derechu o non al reintegru de les cantidaes abonaes, pol/polos productos compráu/compraos.

El procesu de devolución fairáse lo primero posible y, en cualquier casu, dientru del plazu de 14 díes dende la fecha na que se nos notificó la so intención de desistir de la compra.

Casu 2: Devoluciones por productu defectuosu

Nos casos nos que considere que, nel momentu de la entrega, el productu nun s’axusta a lo estipulao nel contratu.

  • Solicite la devolución per corréu electrónicu a ventasonline@cartonajesvir.com.
  • Na información acuérdese de poner el so númberu de pidíu y el motivu de la devolución.
  • Prepare la mercancía nuna caxa embalada curiosa, pa que pase a por ello la empresa de tresporte. Será recoyío después de que lu avisemos.
  • Cuando los productos devueltos tean yá en Cartonajes Vir, entamaráse’l reembolsu del importe al completu, descontando los gastos de xestión que se xeneraren.

 

Depués de recibía la mercancía, esaminaremos con procuru el productu y, dientro d’un plazu razonable, pondrémonos en contactu con usté indicando-y si aceptamos la devolución o la reposición del mesmu. El cambiu o devolución fairáse efectiva lo primero posible y, en cualquier casu, dientro de los 14 díes siguientes a la fecha na que-y unviemos un e-mail confirmando l’aceptación de la devolución. Les devoluciones y/o anulaciones parciales darán derechu a reembolsos parciales de la cantidá pagada pol pidíu.

Pue usar el formulariu que publicamos darréu pa exercitar esti derechu:

<< A la atención de Cartonajes Vir S.A. ,con domiciliu en: Polígonu de Meres s/n 33199 Meres – Siero – Asturies ,con CIF A33023581, y con teléfonos d’atención al veceru 985 792 780 y email:ventasonline@cartonajesvir.com.

Pola presente comunico-y que desisto del nuestru contratu de venta del bien siguiente: …

Siendo el númberu de pidíu el: …                   recibíu el …

Asina como los datos personales míos citaos darréu:

Nome completu y usuariu de la cuenta de Cartonajes Vir: …

Domiciliu d’unviu: …

Fecha del documentu: En ………..a …. de …….. 20…..

Firma de la persona usuaria

 

 

*será obligatoria la firma namás nel casu de presentar el formulariu en papel per correspondencia. >>

 

Garantíes

Tolos productos ufiertaos, son productos orixinales de la marca, con certificáu de garantía de fábrica y, en principiu, ensin defectu nenguno. Naquelles incidencies que xustifiquen l’usu de la garantía, procederáse a la sustitución del artículu, rebaxa o devolución, nos términos establecíos pola llei. La garantía perderá’l valor si se modifiquen, alteren o sustituin dalgunos de los datos de la mesma o del xustificante de la compra.

Les garantíes nun incluin les deficiencies ocasionaes por negligencies, golpes, usu o manipulaciones indebíes, nin materiales sometíos al desgaste pol usu normal.

Los defectos o desperfectos debíos a una utilización incorrecta o manipulación del material, o los desgastes producíos por un usu normal del mesmu, nun se incluin na garantía.

Les mermes na funcionalidá de los artículos, debíes a les llimitaciones de concepción de los mesmos, tamién tán escluíes de la cobertura d’esta garantía.

Garantíes:

-Garantía del productu: La garantía namás cubre defectos producíos pola fabricación.

Pa esfrutar de la garantía de los productos, necesita la factura de compra. Si necesita usar la garantía recomendámos-y que contacte col nuestru serviciu d’atención al veceru  nel teléfonu  985 792 780 o vía email: ventasonline@cartonajesvir.com y ayudarémoslu na xestión de la mesma.

 

Llei aplicable y xurisdicción

Esta páxina web ta sometía a la llexislación española, y en casu de pleitu o controversia surdida del usu d’esta páxina web les dos partes se someten a la xurisdicción de los tribunales de la ciudá de Siero. Esta cláusula de sumisión espresa a los tribunales de la ciudá de Siero nun será aplicable pa los supuestos de pleitu coles persones usuaries de la web que, según la llexislación vixente tienen la condición de consumidores, y en tal casu, el prestador y la persona usuaria, acuerden el someter cualquier controversia que pudiere entamse de la prestación de los productos o servicios oxetu d’éstes Condiciones, a los xulgaos y Tribunales onde tea’l sitiu de la persona usuaria/consumidora.

D’igual manera, el prestador y la persona usuaria podrán someter los sos conflictos a los arbitraxes previstos na llexislación d’arbitraxe y de defensa de los consumidores y usuarios, Xunta Arbitral de Consumu del domiciliu del consumidor/veceru), y a los procedimientos de resolución estraxudicial de conflictos que s’instauren por mediu de códigos de conducta o otros instrumentos d’autorregulación.

Pal casu de nun tar d’acuerdu colos productos o servicios contrataos, y ser un cliente de la Unión Europea, podrá dirixise al enllaz siguiente pa formular la reclamación oportuna:  http://ec.europa.eu/consumers/odr/, de conformidá colo dispuestu nel art. 40.5 de la Llei 7/2017, de 2 de payares, pola que s’incorpora al ordenamientu xurídicu español la Directiva 2013/11/UE, del Parlamentu Européu y del Conseyu, de 21 de mayu de 2013, relativa a la resolución alternativa de pleitos en materia de consumu.